İyulun 9-da Azərbaycan Atıcılıq İdmanı Federasiyasının (AAİF) hesabat-seçki konfransı keçiriləcək. Apasport.az saytının məlumatına görə, tədbirdə quruma növbəti 4 il üçün prezident seçiləcək. Bu vəzifəni yenidən hazırkı prezident, Xüsusi Dövlət Mühafizə Xidmətinin rəisi, general-polkovnik Vaqif Axundovun tutacağı gözlənilir. Çünki prezident postuna yeganə namizəd məhz Axundovdur.

Bundan başqa, AAİF-də struktur dəyişikliyi də olacaq. Belə ki, qurumda I vitse-prezident vəzifəsi yaradılacaq. Çox güman ki, yeni posta Stend Atıcılığı Mərkəzinin direktoru Rasim Rzayev təyin ediləcək. I vitse-prezident vəzifəsi ilə yanaşı, federasiyada 2 vitse-prezident postu da fəaliyyət göstərəcək.

Xatırladaq ki, Vaqif Axundov 1997-ci ildən AAİF-in prezidentidir.

• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib