24 yaşlı tennisçinin meyiti pilləkəndə tapıldı

07.07.2009 - 15:24

Fransalı tennisçi Matye Monkur 24 yaşında ölüb. Apasport.az saytının məlumatına görə, öz evində dünyasını dəyişən idmançının meyitini rəfiqəsi pilləkəndə tapıb. Fransa Tennis Federasiyasının nümayəndəsi də Monkurun ölümünü təsdiqləsə də, detallar haqda danışmayıb. Tennisçinin ölümünün səbəbləri haqda hələlik heç nə məlum deyil. İyulun 6-da açıqlanan reytinqdə 119-cu olan Monkurun ən yaxşı göstəricisi 104-cü pillədə yer alması olub.

Qeyd edək ki, fransalı indiyə kimi heç bir beynəlxalq turnirin qalibi olmayıb, “Böyük dəbilqə”də isə 1/32 finaldan irəli getməyib.