Afina Olimpiadasının bürünc mükafatçısı İradə Aşumovanın Xorvatiyanın Osyek şəhərində keçirilən Avropa çempionatında çıxışı uğursuz olub. Apasport.az saytının məlumatına görə, Azərbaycanın ən titullu güllə atıcısı qitə birinciliyində 20-ci yeri tutub.

O, 25 metrlik məsafədən kiçikçaplı tapança ilə atəş açmanın təsnifat mərhələsində 574 xal (99+93+95+94+95+98) toplayıb. Onun final mərhələsinə adlamasına 6 xalı çatmayıb. Buna görə də Aşumova mübarizəni erkən dayandırıb.

Olimpiya mükafatçısının oğlu Ruslan Lunyov isə gənclərin yarışında medal qazanmağa yaxın olub. 20 yaşlı idmançı 541 xal yığaraq, ilk “səkkizliy”ə daxil olub və finala adlayıb. Lakin burada 92.9 xal toplayan Ruslan ümumilikdə, 633,9 xalla 7-ci pillədə qərarlaşıb.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!