Dekabrın 24-də Sumqayıt Paralimpiya Kompleksində cüdo üzrə növbəti Azərbaycan çempionatı start götürəcək. Apasport.az saytının məlumatına görə, yarışda yığmamızın bir neçə əsas üzvü iştirak etməyəcək.

Belə ki, Pekin Yay Olimpiya Oyunlarının qalibi Elnur Məmmədli, Ramil Qasımov, Ramin Qurbanov və Kifayət Qasımova ölkə çempionatında güləşməyəcəklər. Hazırda adıçəkilən çüdoçular bərpa prosesi keçirlər. Hər 4 idmançı müxtəlif vaxtlarda cərrahiyyə əməliyyatına məruz qalıblar. Pekin Olimpiadasının bürünc mükafatçısı Mövlud Mirəliyevin mübarizəyə qoşulacağı isə sual altındadır. Çempionat dekabrın 26-da yekunlaşacaq.

Qeyd edək ki, Elnur Məmmədli olimpiadadan bəri, yəni son 16 ayda heç bir yarışda qüvvəsini sınamayıb.

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO