Azərbaycanın peşəkar boksçusu Əli İsmayılov karyerasında üçüncü dəfə məğlubiyyətlə üzləşib. Apasport.az saytının məlumatına görə, həmvətənimiz bu dəfə Rusiyanın Sankt-Peterburq şəhərində WBO “Intercontinental” kəməri uğrunda döyüşdə yerli idmançı Denis Lebedevə uduzub.

“Tayfun” klubunda keçirilən döyüşdə Lebedev ilk raunddan üstünlüyə yiyələnib. Əli ikinci raundda rəqibinə ciddi müqavimət göstərsə də, bu, uzun müddətli olmayıb. Döyüşün gedişində İsmayılova qüvvətli zərbələr vuran rusiyalı sonda istəyinə çatıb. Belə ki, üz nahiyəsində çoxsaylı çapıqlar yarandığından, boksçumuz 7-ci raundda döyüşü davam etdirməkdən imtina edib. Nəticədə Lebedev texniki nokaut sayəsində qələbə qazanıb.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”