Sabah Moskvada sərbəst güləş üzrə Dünya Kuboku yarışları keçiriləcək. Apasport.az saytının xəbərinə görə, yarışda iştirak edəcək yığma komandamız dünən ilk məşqinə çıxıb.

Baş məşqçi Saypulla Absaidov və böyük məşqçi Firdovsi Umudovun rəhbərliyi altında 1 saatlıq yüngül məşq ediblər. Yarışa ev sahibliyi edəcək Rusiya yığmasının baş məşqçisi Canpolad Tedeyev komandamızın məşq etdiyi zala gələrək məşqçilər korpusunun nümayəndələri ilə görüşüb. Axşam yeməyindən sonra güləşçilərimiz açıq hava gəzintisinə çıxıblar.

Xatırladaq ki, ölkəmizi bu yarışda Yaşar Əliyev (55 kq), Azər Paşayev (55 kq), Ağahüseyn Mustafayev (60 kq), Zəlimxan Hüseynov (60 kq), Emin Əzizov (66 kq), Aqil Quliyev (74 kq), Çamsulvara Çamsulvarayev (74 kq), Nauruz Temrezov (84 kq), Cəmaləddin Maqomedov (96 kq), Xetaq Qazyumov (96 kq), Əli İsayev (120 kq), Toxtar Temrezov (120 kq) təmsil edəcək.

Yarışın püşkatma mərasimi bu gün keçiriləcək.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib