Rusiyanın paytaxtı Moskvada keçirilən sərbəst güləş üzrə Dünya Kuboku turnirinə yekun vurulub. Apasport.az saytının xəbərinə görə, milli komandamız bu gün Ukrayna üzərində qələbə qazanaraq, yarışı bürünc medalla başa vurub.

Yığmamız qrupda ilk sınağında İrana yenilmişdi. Ardından Özbəkistana şans verməyən güləşçilərimiz qrupda III yer uğrunda ABŞ millisini də üstələyiblər - 6:1.

Bu nəticə ilə komandamız finala yüksəlmək şansı qazansa da, İran Özbəkistanı məğlub edərək, yığmamızı bürünc uğrunda oyuna göndərib. Komandamız burada Ukraynanı 5:2 hesabı ilə yenib.

Qalib adını isə finalda İranı 5:2 hesabıyla məğlub edən Rusiya yığması qazanıb.

Qeyd edək ki, milli komandamız ötən il İranda keçirilmiş analoji yarışda qızıl medala sahib çıxmışdı.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib