Macarıstanın Sombateli şəhərində keçirilən yunan-Roma güləşi üzrə "Qızıl Qran-pri" turnirinin I mərhələsinə yekun vurulub. Lent.az-ın məlumatına görə, Azərbaycan milli komandası yarışı 1 qızıl, 1 gümüş medalla başa vurub.

Nüfuzlu turnirin ikinci günündə Rövşən Bayramov finalda cənubi koreyalı Li Çanq-Beykə uduzaraq, gümüş medal qazanıb. O, təşkilatçılar tərəfindən verilən 700 dollar mükafata da sahib olub. İlk yarış günündə isə Həsən Əliyev (60 kq) qızıl medala sahib olub. Ümumi komanda hesabında Azərbaycan 30 xalla 3-cü yeri tutub.

Qeyd edək ki, "Qızıl Qran-pri" turnirinin I mərhələsində çıxış edən Orxan Əhmədov (55 kq), Vitali Rəhimov (60 kq), Fərid Mansurov (66 kq) Rafiq Hüseynov (74 kq) və Şalva Qadabadze (84 kq) medalsız qalıblar.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib