Azərbaycan şahmatçısı Vüqar Həşimov Fransanın Nitsa şəhərində keçirilən 19-cu “Amber” turnirində mübarizəyə başlayıb. Apasport.az saytının məlumatına görə, həmyerlimiz ilk turda Lenyer Domingesi (Kuba) sınağa çəkib. Reqlamentə əsasən, şahmatçılar 1 tur ərzində bir partiya sürətli şahmat, bir partiya isə gözübağlı oynayırlar. Vüqar rəqibini gözübağlı qarşılaşmada üstələyib, sürətli şahmatda isə xallar bölünüb.

II turda isə Həşimov uğursuzluğa düçar olub. O, israilli Boris Qelfanda həm gözübağlı, həm də sürətli şahmatda uduzub. Hazırda şahmatçımız gözübağlıda 6-9-cu (1 xal), sürətli şahmatda 10-12-ci (0,5 xal), ümumi hesabda isə 9-10-cu (1,5 xal) yeri tutur. Vüqar bu gün rusiyalı Vladimir Kramniklə üz-üzə gələcək.

Qeyd edək ki, 12 şahmatçının qatıldığı “Amber” turnirinin mükafat fondu 216 min avrodur. Yarışa martın 25-də yekun vurulacaq.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib