Meksikanın Tuxuana şəhərində keçirilmiş gənclər arasında dünya çempionatında qızıl medal qazanan Azərbaycan taekvondoçusu Aydın Bəhmalova 2010-cu il Yeniyetmələrin I Yay Olimpiya Oyunlarında iştirak hüququ verilə bilər. Bu haqda Lent.az-a gənclərdən ibarət yığmamızın baş məşqçisi Gündüz Abdullayev məlumat verib.

Bəhmalov 78 kq-dan yuxarı çəki dərəcəsində dünya çempionu olsa da, elə həmin şəhərdə baş tutan təsnifat turnirində olimpiadaya lisenziya qazana bilməyib. Əvəzində onun finalda yendiyi İordaniya taekvondoçusu Yazan Əl-Sadiq təsnifat turnirində 73 kq-dan yuxarı çəkidə qızıl medala sahib olub və Yeniyetmələrin I Yay Olimpiya Oyunlarına vəsiqə əldə edib. Abdullayevin sözlərinə görə, məhz bu məqamla əlaqədar Ümumdünya Taekvondo Federasiyası Bəhmalova 12 – 16 avqustda keçiriləcək Sinqapur olimpiadasında iştirak hüququ verə bilər. Yekun qərar isə olimpiadaya bir neçə ay qalmış veriləcək.

Qeyd edək ki, təsnifat turnirində Azərbaycanın yalnız 1 taekvondoçusu – Səbuhi İsmayılzadə (73 kq) Sinqapur olimpiadasına lisenziya qazanıb.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib