Təzə bəy məşqlərə qoşuldu

09.04.2010 - 14:16

Aprelin 22-də Avstriyanın paytaxtı Vyanada start götürəcək cüdo üzrə Avropa çempionatına hazırlaşan yığmamız təlim-məşq toplanışını davam etdirir. Bu barədə apasport.az saytına məlumat verən milli komandamızın baş məşqçisi Ağayar Axundzadə hazırlıqların aprelin 19-da yekunlaşacağını bildirib: “Aprelin 1-də Zağulbada qitə çempionata hazırlığın son mərhələsini keçiririk. Məşqlər uğurla gedir. Burada təlim-məşq toplanışını başa vurduqdan 1 gün sonra – aprelin 20-də səfərə yola düşəcəyik”.

Ağayar Axundzadənin sözlərinə görə, aprelin 3-də toyu olan olimpiya çempionumuz Elnur Məmmədli artıq məşqlərə qoşulub.

Qeyd edək ki, baş məşqçi Avstriya gedəcək yığmamızın heyətini aprelin 10-da açıqlayacaq.