Aprelin 11-də Şəmkir rayonunda yeniyetmə idmançı ölüb. Rayon prokurorluğundan Lent.az-a verilən məlumata görə, hadisə Şəmkir rayon Olimpiya Kompleksində qeydə alınıb. 13 yaşlı Surxay Məmmədcəfərov ehtiyatsızlıqdan dünyasını dəyişib.

Belə ki, Şəmkirdə keçirilən basketbol üzrə Respublika Spartakiadasında Bakının Lökbatan qəsəbə sakini Surxay Məmmədcəfərov da yarış iştirakçılarından olub.

Axşam saatlarında yarışdan sonra üçüncü mərtəbədən birinci mərtəbəyə enərkən, Surxay Məmmədcəfərov pilləkənin məhəccərindən istifadə etmək istəyib. Sürüşərək aşağı düşməyə çalışan yeniyetmə basketbolçu müvazinətini itirib və birinci mərtəbəyə düşüb. Başından ağır zədə alan Surxay Məmmədcəfərov keçinib.

Şəmkir Olimpiya Kompleksinin direktoru 2008-ci il Pekin Yay Olimpiya Oyunlarının bürünc mükafatçısı, cüdoçu Mövlud Mirəliyevdir.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib