İranda başa çatan “Fəcr” turnirində 7 medal qazanan taekvondoçularımız qısa istirahətdən sonra Qubaya təlim-məşq toplanışına yollanıblar. Aprelin 12-dən start götürən hazırlıq ayın 21-nə kimi davam edəcək. Bu barədə apasport.az saytına açıqlama verən yığmanın baş məşqçisi Ələkbər İmaməliyev bildirib ki, toplanışa 20-dək taekvondoçu cəlb edilib.

Təlim-məşq toplanışında əsas məqsəd mayın 10-12-də Sankt-Peterburq şəhərində təşkil ediləcək Avropa çempionatına hazırlaşmaqdır. “Qubada təlim-məşq toplanışı yekunlaşdıqdan sonra İspaniyada beynəlxalq turnirdə mübarizə aparacağıq. Bu yarışda kişi və qadın komandalarımız hər çəkidə 2 idmançı ilə iştirak edəcək. Aprelin 24-25-də keçiriləcək yarışda daha yaxşı nəticə göstərəcək idmançı Avropa çempionatında mübarizə aparacaq heyətə cəlb ediləcək”, – deyə İmaməliyev bildirib.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib