Dünən Bakıda start götürən Avropa çempionatında sərbəst güləş üzrə 4 çəki üzrə keçirilən görüşlərin yekununa əsasən komanda hesabında Rusiya millisi 37 xalla birincidir. Apasport.az saytının məlumatına görə, 2 qızıl, 1 gümüş və 1 bürünc medal qazanan şimal qonşularımız qitə çempionatının ilk günündə bütün çəkilərdə fəxri kürsüdə yer alan yeganə ölkədir.

İkinci yerdəki Bolqarıstan yığmasının aktivində 31 xalı var. İlk “üçlüy”ü isə 29 xalla Azərbaycan komandası qapayır.

Xatırladaq ki, qitə çempionatının ilk günündə Azərbaycan idmançılarından Mahmud Maqomedov (55 kq) və Cəbrayıl Hüseynov (66 kq) qızıl, Şərif Şərifov gümüş medal qazanıblar. 120 kq çəkidə yarışan Əli İsayev isə mükafatçılar arasında yer almayıb.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib