Boks üzrə gənclər arasında dünya birinciliyində iştirak edəcək Azərbaycan millisində yeganə problem aradan qaldırılıb. Bu barədə apasport.az saytına komandamızın baş məşqçisi Şamil Əlimcanov məlumat verib. O bildirib ki, bir neçə döyüşdən sonra özünü yaxşı tərəfdən göstərən Kamran Baxşəliyev (60 kq) rəqiblərindən güclü olub və millinin heyətinə cəlb edilib.

Beləliklə, Sinqapurda keçiriləcək Yeniyetmələrin I Yay Olimpiya Oyunlarına lisenziya xarakterli dünya birinciliyində Salman Əlizadə (48 kq), Şaban Şahpələngov (51 kq), Elnur Zeynalov (54 kq), Elvin İsayev (57 kq), Kamran Baxşəliyev (60 kq), Tamerlan Abdullayev (64 kq), Emil Əhmədov (69 kq), Vətən Hüseynli (75 kq), Teymur Məmmədov (81 kq), Hacıbaba Hacıbabayev (91 kq) və Fərqan Ömərov (+91 kq) qüvvəsini sınayacaq.

Qeyd edək ki, heyət tam müəyyənləşdiyindən boksçularımız bu gün kubalı həmkarları ilə birgə məşq edəcək, sonra isə yoxlama döyüşləri keçirəcəklər.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib