Sabah Rusiyanın Kazan şəhərində otüstü hokkey üzrə qadınlar arasında keçirilən dünya çempionatının seçmə mərhələsində üçüncü turun oyunlarına start veriləcək. Apasport.az saytının məlumatına görə, bu qarşılaşmada Azərbaycan yığmasının rəqibi Uels olacaq.

İlk oyunda Belarusla üz-üzə gələn yığmamız 3:1 hesablı qələbə qazanıb. Ev sahibləri ilə keçirilən qarşılaşmada isə 2:0 hesabı ilə irəlidə olan Joa Honqun yetirmələri gözlənilmədən xal itiriblər. İkinci hissədə rusların 2 dəfə fərqlənməsi nəticəsində oyun 2:2 hesabı ilə başa çatıb.

İki turdan sonra turnir cədvəlinə 6 xalla Yaponiya millisi başçılıq edir. Azərbaycan millisi 4 xalla 2-ci yerdədir. Rusiyalı hokkeyçilər də komandamızla eyni xal toplasalar da, topların fərqinə görə təmsilçilərimizdən geri qalırlar. Bu gün yarışda istirahət günüdür.

Xatırladaq ki, Azərbaycan, İtaliya, Yaponiya, Belarus, Uels və Rusiyanın mübarizə apardığı seçmə mərhələdə yalnız birinci yerin sahibi finala vəsiqə qazanacaq.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib