Aprelin 24-də Çexiyanın Teplitse şəhərində yeniyetmə cüdoçular arasında Dünya Kuboku start götürəcək. Azərbaycan Cüdo Federasiyasından apasport.az saytına verilən məlumata görə, yarışda məşqçilər Rəşad Məmmədov və Rəşad Həsənovun rəhbərliyi altında 19 idmançı - Mehman Sadıqov (50 kq), İsgəndər Talışinskiy, Vüsal Şabanlı, Xəzər Bəhramzadə (hər üçü 55 kq), Toğrul Hüseynov, Hüseyn Rəhimov, Niyaməddin Abbasov, Afiq Səfərli (hər dördü 60 kq), İslam Əbdulrəhimzadə, Cəlil Cəlilov, İmran Quliyev (hər üçü 66 kq), Ələsgər Rəhimov, Firudin Dadaşov, Məhəmməd Hüsənov (73 kq), Qurban Qurbanov, Vüsal Kazımlı, Cəlil Şükürov (hər üçü 81 kq), Səbuhi Axundov (90 kq) və Adəm Ələsgərli (+ 90 kq) qüvvəsini sınayacaq. Dünya kubokunu 2 gün davam edəcək.

Qeyd edək ki, yarışdan sonra isə komandamızın üzvləri 3 günlük (26-28 aprel) təlim-məşq toplantılarına qatıldıqdan sonra vətənə dönəcəklər.

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO