2011-ci ildə cüdo üzrə 23 yaşadək oğlan və qızlar arasında Avropa çempionatı Bakıda keçiriləcək. Bu haqda Lent.az-a Azərbaycan Cüdo Federasiyasının vitse-prezidenti Matvey Yegizarov məlumat verib.

Onun sözlərinə görə, belə bir qərar Avstriyanın paytaxtı Vyanada təşkil edilən Avropa Cüdo İttifaqının iclasında qəbul olunub. Toplantıda qitə birinciliyinə namizədliyini irəli sürən şəhərlərin təqdimatı keçirilib. Təqdimatdan sonra Bakı nüfuzlu yarışın təşkilatçısı kimi təsdiqlənib. Avropa çempionatının gələn ilin noyabrında Heydər Əliyev adına İdman-Konsert Kompleksində təşkili nəzərdə tutulub.

Yegizarov 2013-cü ildə böyüklər arasında Avropa çempionatına da Bakının namizədliyini irəli sürdüklərini vurğulayıb. Təşkilatçı şəhərin adı gələn il məlum olacaq.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib