Sabah Bakıda şahmat üzrə beynəlxalq “Prezdent kuboku” turniri start götürəcək. Apasport.az saytının xəbərinə görə, yarışa qatılacaq dünya yığmasının bütün üzvləri bu gün ölkəmizdə olacaqlar.

Turnirdə iştirak edəcək rusiyalı dünya çempionu Vladimir Kramnik dünən Bakıya təşrif buyursa da, Dünya kubokunun qalibi Qata Kamski (ABŞ), Emil Sutovski (İsrail) və Yudit Polqar hələ paytaxtımıza gəlməyiblər.

Qeyd edək ki, dairəvi sistem üzrə təşkil ediləcək “Prezident kuboku”nda şahmatçılar 3 gün mübarizə aparacaqlar. Rapid (sürətli) növündə qüvvələrini sınayacaq zəka sahibləri sonda Dənizkənarı parkda seans oyunu da təşkil edəcəklər.

Yarışda Azərbaycanın idman şərəfini Teymur Rəcəbov, Şəhriyar Məmmədyarov, Qədir Hüseynov və Rauf Məmmədov qoruyacaqlar.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib