“Vüqar Həşimovun cəzalı olması ilə bağlı yayılan məlumatlar düzgün deyil. Sadəcə, turnirdə iştirak edəcək 4 şahmatçımızı müəyyənləşdirərkən, o, heyətdən kənarda qaldı”. Apasport.az saytının xəbərinə görə, bu fikirləri “Prezident kuboku” turnirinə həsr edilmiş mətbuat konfransında Azərbaycan Şahmat Federasiyasının vitse-prezidenti Faiq Həsənov deyib. Həsənov bildirib ki, Həşimovun reytinqi burada iştirak edən şahmatçıların bəzilərindən yüksək olsa da, “Prezident kuboku”nda Azərbaycan yığma komandası iştirak etmir: “Vüqar yığmada həmişə yer alır. Lakin “Prezident kuboku”nda fərdi mübarizə olacaq. Sadəcə, seçim olarkən Vüqar Həşimov yarışa dəvət edilmədi”.

Qeyd edək ki, bu gün start götürən “Prezident kuboku” turnirində ölkəmizi Şəhriyar Məmmədyarov, Teymur Rəcəbov, Rauf Məmmədov və Qədir Hüseynov təmsil edəcək.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar