Almaniya yığmasının sabiq üzvü Sina Şielke atletika ilə vidalaşıb. Apasport.az saytının məlumatına görə, qısa məsafələrə qaçmaqda dəfələrlə ölkə çempionu olan 29 yaşlı atletin böyük idmana qayıdış vaxtı çatsa da, bundan imtina edib.

2004-cü ilədək gənclər, yeniyetmələr, həmçinin böyüklər arasında keçirilən Avropa və dünya çempionatlarında böyük medal kolleksiyası toplayan Sina 6 il əvvəl karyerasına fasilə vermək qərarına gəlmişdi. 2007-ci ildə idmana qayıdışı uğursuz olan almaniyalı qısa müddətdən sonra yenidən istirahətə çəkilməyə üstünlük verdi. Ana olmaq məqsədilə 3 illik idmanı tərk edən Sina bu il yenidən qaçış cığırlarına qayıtmalı idi. Lakin son illər körpə övladına baxmaqla yanaşı, erotik fotosessiyalara da çəkilməyə başlayıb. Bu, gözəlçəyə o qədər maraqlı görünüb ki, idmana qayıtmaq əvəzinə, atletikanın üstündən bir dəfəlik xətt çəkib.

• AMADA 2025-ci ilin ilk doqquz ayında 649 dopinq testi keçirib
• Bakıda “İdmanda Hüquq və Ədalət” üzrə beynəlxalq konfrans keçirilib
• İslam Oyunları: Türkiyə zirvədə – Azərbaycan ilk “altılıq”da
• 9 Noyabr – Dövlət Bayrağı Günü münasibətilə veloyürüş keçirilib
• Türkiyəli çempion: "Nuray gələcəkdə böyük uğurlar qazanacaq"