Azərbaycan Ağır Atletika Federasiyasının (AAAF) hesabat-seçki konfransı keçirilib. Bu haqda Lent.az-a federasiya rəsmisi İskəndər Əsgərov məlumat verib. Onun sözlərinə görə, gənclər və idman naziri Azad Rəhimovun da qatıldığı toplantıda “Azərbaycan Hava Yolları” Qapalı Səhmdar Cəmiyyətinin (AZAL) rəhbəri Cahangir Əsgərov yenidən növbəti 5 il müddətinə AAAF-ın prezidenti seçilib. Toplantıda gənclər və idman nazirinin müavini İsmayıl İsmayılov federasiyanın I vitse-prezidenti, Tofiq Heydərov təsərrüfat, Elxan Əliyev maliyyə məsələləri üzrə vitse-prezident seçilib. Baş katib vəzifəsini bundan sonra Yavər Hacıyev yerinə yetirəcək. İcraçı direktor postu isə İskəndər Əsgərova həvalə edilib.

Əvvəllər AAAF-ın I vitse-prezidenti postunda çalışmış Vahid Nəzərov bundan sonra fəaliyyətini yalnız beynəlxalq dərəcəli hakim kimi davam etdirəcək.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO