Bolqarıstanın Buqras şəhərində bədii gimnastika üzrə keçirilən beynəlxalq turnir başa çatıb. Azərbaycan Gimnastika Federasiyasından apasport.az saytına verilən məlumata görə, ölkəmizi bu yarışda təmsil edən Dina Qorina halqa ilə yarışlarda 5-ci yeri tutub. İp və lentlə hərəkətlərdə 7-ci olan gimnastımız çoxnövçülük yarışlarında 9-cu pillədə qərarlaşıb.

İdmançımızın çıxışı ilə bağlı yığmamızın baş məşqçisi Marina Vasilyeva fikirlərini bildirib: “Fikrimcə, Dina Bolqarıstanda çox yaxşı çıxış edib. Mən onun gözlərində inkişaf etmək və irəliyə getmək cəhdi gördüm. Əlbəttə, onun potensialı var, o ki, qrupda uzun vaxt və kifayət qədər uğurla çıxış edib. Bununla belə, hələ ayrı-ayrı növlərlə, məsələn, topla diqqət və dəqiqliklə işləməlidir”.

Daha bir beynəlxalq tirnir Rusiyanın Vladimir şəhərində keçirilib. Azərbaycan gimnastlarından ən yaxşı nəticəni 11 yaşlı Emiliya Bağıyeva (öz yaş qrupunda 4-cü yer) və Nülufər Niftəliyeva (1998-ci il təvəllüdlü, 6-cı yer) göstəriblər.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO