Aprelin 25-dən mayın 3-dək Bakıda keçirilən boks üzrə dünya birinciliyində medal qazanan ölkələrin siyahısında Azərbaycan milli komandası liderlər qrupunda qərarlaşıb. Apasport.az saytının məlumatına görə, yarışda 2 qızıl və 1 bürünc medal qazanan Şamil Əlimcanovun yetirmələri bu mötəbər yarışı ikinci pillədə başa vurublar. Birinci yeri 3 qızıl, 1 gümüş və 1 bürünc medalla Kuba boksçuları tutublar. Medalların əyarına görə, 3-4-cü yerlərə isə İrlandiya və Hindistan yığmaları layiq görülüblər.

Azərbaycan yığması dünyada ikinci olsa da, Avropanın ən güclüsü adına sahib çıxıb. Rusiya millisi cəmi 1 gümüş, 2 bürünc medalla kifayətlənib. Gənc boksçularımız Ukrayna, Almaniya, Türkiyə, İtaliya, Macarıstan və digər ölkələrin idmançılarından da öndə olublar.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib