2010-cu ildə dünya çempionu olmağa əsas namizədlərdən sayılan İngiltərə yığmasının futbolçu Frank Lempard maraqlı açıqlama verib. Apasport.az saytının məlumatına görə, Londonun “Çelsi” klubunun yarımmüdafiəçisi bildirib ki, mundialda oyun sonrası penaltilər seriyasından qorxurlar.

“Fikrimcə, oyun sonrası penaltilərdə məğlubiyyət İngiltərə yığmasının bütün futbolçularının beynində həkk olunub. Fərqi yoxdur, yaxşı oynadığın vaxtda da məsələ penaltilər seriyasına gələndə, fikirləşirsən: Lənət şeytana, yenidən başladı. Beynindən belə fikirlər keçəndə, penaltidən qol vurmaq çətindir. Bax buna görə almanlar penaltilər seriyasında yaxşıdır. Onlarda özünəinam, hətta lovğalıq var. Almanlar qələbələrinə əmindir” – deyə Lempard bildirib.

Futbolçu, həmçinin vurğulayıb ki, İngiltərə yığmasında da belə inamın hətta bir hissəsinin olması, daha yaxşı olardı.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib