Cüdo üzrə gənclərdən ibarət Azərbaycan yığması Almaniyada keçirilən Avropa kubokunda 1 qızıl, 3 gümüş və 2 bürünc medal qazanıb. Apasport.az saytının məlumatına görə, komandamızın heyətində Səid Gəncəli (50 kq) qızıl, Mehman Sadıxov (50 kq), İsgəndər Talişinski (55 kq) və Hüseyn Rəhimli (60 kq) yalnız həlledici görüşdə uduzaraq, gümüş medalla kifayətləniblər. Vüsal Şabanlı (55 kq) və Məhəmməd Şuşanov (73 kq) isə üçüncü yeri tutublar.

Qeyd edək ki, komanda hesabında Azərbaycan yığması 5-ci olub. Birinci yerdə Rusiya (6 qızıl, 4 gümüş və 14 bürünc), ikinci yerdə Almaniya (3 qızıl, 3 gümüş və 7 bürünc) və üçüncü yerdə Hollandiya (2 qızıl, 2 gümüş və 4 bürünc) qərarlaşıb.

• Azərbaycanda ilk dəfə paraüzgüçülük üzrə ölkə çempionatı keçirilib
• Azərbaycanda ilk dəfə paraüzgüçülük üzrə ölkə çempionatı keçiriləcək
• Kamandan oxatma üzrə Bakı şəhər kubokunun II mərhələsi keçiriləcək
• “Masters” velosipedçilər ilk dəfə Azərbaycan çempionatında yarışacaq
• Milli Olimpiya Komitəsinin nümayəndə heyəti AOK-un 55-ci Baş Assambleyasında iştirak edir