Azərbaycan yığmasının taekvondoçuları Pekində keçiriləcək Beynəlxalq İdman Oyunlarına yollana bilməyəcəklər. Bu barədə apasport.az saytına milli komandanın baş məşqçisi Ələkbər İmaməliyev verib.

Onun sözlərinə görə, Rəşad Əhmədovla Təvəkkül Bayramovun zədə səbəbindən səfərləri təxirə salınıb. Məşq prosesində əllərindən xəsarət alan taekvondoçularımız hazırda bərpa dövrü keçirlər.

Qeyd edək ki, Beynəlxalq İdman Oyunlarında Azərbaycanı samboçumuz da təmsil edəcək. 68 kq çəki dərəcəsində ölkəmizin idman şərəfini Emin Həsənov qoruyacaq. Avqustun 29-da start götürəcək yarış 5 gün davam edəcək.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO