Taekvondo üzrə kişilərdən ibarət Azərbaycan yığmasında Olimpiya Oyunlarına hazırlığa baş məşqçi Ələkbər İmaməliyev cavabdehlik daşımayacaq. Bu barədə apasport.az saytına açıqlamanı İmaməliyevin özü verib.

İmaməliyev bildirib ki, ötən olimpiadalarla müqayisədə London-2012-yə komandamızı koreyalı məşqçi Conq Conq Be hazırlayacaq: “Yığmamızda Olimpiya oyunlarına hazırlığa cavabdeh şəxs Be olacaq. Əcnəbi mütəxəssis həmçinin idmançılarımızın bu mötəbər oyunlara lisenziya qazanmalarında da öz təcrübəsindən istifadə edəcək. Artıq bir müddətdir Azərbaycanda olan məşqçi ilə birgə çalışırıq. O, lisenziya yarışlarından sonra London-2012-də də taekvondoçularımızın uğurlu çıxışına nəzarət edəcək”.

• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO
• “Səhər idmanı” layihəsinə start verilib - FOTO