Azərbaycanın Qazaxıstandakı səfirliyi Ermənistanın bəzi kütləvi informasiya vasitələrinin internet səhifələrində Qazaxıstanın Uralsk şəhərində keçirilmiş sambo üzrə beynəlxalq yarışda qondarma “Dağlıq Qarabağ Respublikası”nın vətəndaşı Aşot Danielyanın qalib gəlməsinə dair məlumatla əlaqədar müvafiq araşdırma aparıb.

Xarici İşlər Nazirliyinin mətbuat xidmətindən APA-ya verilən məlumata görə, səfirlikdən bildirilib ki, Qazaxıstan Respublikasının Turizm və İdman Nazirliyindən əldə edilmiş məlumata əsasən, Aşot Danielyanın yarışda Ermənistan bayrağı altında Ermənistan Respublikasını təmsil etdiyi və yarışma barədə məlumatın Qazaxıstanın rəsmi westkaz.kz saytında yerləşdirildiyi məlum olub.

Yarışma barədə daha ətraflı məlumat:
http://www.westkaz.kz/?action=fnews&pid=3500§ion=&module=xnews〈=ru
unvanından alına bilər.

Qeyd edək ki, saytda da Danielyan Ermənistan vətəndaşı kimi təqdim edilib.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”