“Bu, Azərbaycan xalqının qələbəsidir. 12 idmançının 8 medal qazanması çox gözəl nailiyyətdir”. Bu sözləri apasport.az saytına açıqlamasında Milli Olimpiya Komitəsinin vitse-prezidenti, dünya çempionu Xəzər İsayev deyib.

O, Yeniyetmələrin I Yay Olimpiya Oyunlarında Azərbaycan yığmasının çıxışını yüksək qiymətləndirib və bu uğurun davamlı olacağına inandığını bildirib: “Sinqapurda yığmamız gözəl çıxış etdi. Onlar Olimpiadada aparıcı idman ölkələrini geridə qoyaraq, güclü olduqlarını sübut etdilər. Bir sözlə, idmançılarımız yarışda bütün bacardıqlarını ortaya qoydular və nəticədə inamlı qələbə qazandılar”.

Qeyd edək ki, avqustun 14-26-da Sinqapurda keçirilən Olimpiadada milli komandamız 5 qızıl və 3 gümüş medal qazanıb.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”