“Hazırda yığmanın sıralarında olmasaq da, ürəyimiz onunla yanındadır. Desək ki, bu gün səfərdə Almaniya yığmasına qalib gələcəyik, bu, reallıqdan uzaq olar. Ancaq futbolda mümkünsüz heç nə yoxdur və futbolçularımız bunu düşünərək, meydana çıxmalıdırlar”. Bu fikirləri apasport.az saytına açıqlamasında Bakının “Neftçi” klubunun baş məşqçisi Arif Əsədov deyib.

Unibank Premyer Liqasında cari mövsümdə 4 turdan sonra lider olan komandanın gənc çalışdırıcı Avro-2012-nin seçmə mərhələsində start oyunumuza nikbin baxır. Əsədov Almaniya kimi güclü rəqiblə görüşdə xal qazanmağın çox çətin olduğunu yaxşı başa düşməklə yanaşı, buna nail olacağımıza da ümidini itirmir: “Mən almanlarla görüşdə yığmamızın ifasında yaxşı oyun gözləyirəm. Əlbəttə, nəticə qazansaq, bu, daha da yaxşı olardı. Misal üçün, millimiz Almaniyada heç-heçəyə nail olsa, bu, super nəticə olacaq. Mən bu nəticəyə inanıram. Çünki komandana həmişə inam olmalıdır. Haradasa inam var ki, almanlarla heç-heçə edə bilərik. Şansları 70-in 30-a qiymətləndirmək olar. Yəni Almaniyadan xalla qayıdacağımıza 30 faiz də olsa, inamım var”.

Mehman SÜLEYMANOV

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO