“Bizim komanda müdafiə meylli rəqibə qarşı oynadı. Komandam bu oyundan sonra həzz aldı”. Apasport.az saytının məlumatına görə, bu sözləri Almaniya milli komandasının baş məşqçisi Yoahim Löv deyib.

Bundestimin çalışdırıcısı Avro-2012-nin Azərbaycan yığması ilə oyunundan sonra keçirilən mətbuat konfransında böyük hesablı qələbədən məmnun qaldığını bildirib: “Azərbaycan 9-10 nəfərlə müdafiə olundu. Buna baxmayaraq, biz 6 qol vurub qələbə qazandıq. Futbolçularımız bundan həzz aldılar. Bilirdik ki, Azərbaycan ortada 3, arxada 4 futbolçu ilə oynayacaq”.

Löv öz yığması haqda da fikirlərini bildirib: “Bu heyətlə davam edəcəyik. Ola bilsin ki, heyətə yeni futbolçular da dəvət edək”.

2022-ci ildə Azərbaycan milli komandasını çalışdırıb-çalışdırmamağı ilə bağlı suala isə Lövün cavabı maraqlı olub: “O qədər yaşım olmayacaq ki, Azərbaycan yığmasını çalışdırım. O vaxt mən elə qocalmayacağam ki... Azərbaycan milli komandasında bəzi yaxşı futbolçuların olduğunu gördük. Ölkənizdə futbolun inkişafı üçün 1-2 il də vaxt lazımdır”.

Qeyd edək ki, Almaniya yığması hər hissədə 3 qol vuraraq, yığmamızı 6:1 hesabı ilə məğlub edib.

• BOK-un tibbi ekspertindən Bakıda elmi-praktik təlim - FOTO
• Antidopinq İntizam və Apellyasiya Komitələrinin üzvləri üçün təlim keçirilib - FOTO
• Üzgüçümüz Sofiyada qızıl medal qazanıb
• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO