Avro-2012-nin seçmə mərhələsinin ən yaxşı bombardirlərinin siyahısı açıqlanıb. Apasport.az saytının məlumatına görə, Almaniya milli komandasının futbolçusu Miroslav Kloze Azərbaycan yığmasının qapısından 2 qol keçirməklə ən məhsuldar futbolçular siyahısına daxil olub. Belçika ilə ilk oyunda da rəqib qapısına yol tapan 32 yaşlı hücumçu vurduğu 3 qolla qitədə 3-cü yerdə qərarlaşıb. Siyahıya isə Hollandiya millisinin ulduzu Klaas Yan Huntelaar başçılıq edir. O, keçirdiyi 2 qarşılaşmada 5 dəfə fərqlənib.

İngiltərəli Cermeyn Defo və israilli Yossi Benayun isə Kloze kimi 3 qol vurublar. Lakin meydanda daha az – 158 dəqiqə keçirən Cermeyn ikinci pillədə qərarlaşıb. Miroslabla Yossi isə 180 dəqiqə ərzində 3 qol vuraraq 3-cü pilləni bölüşdürürlər.

Qeyd edək ki, Klozenin dubla imza atdığı oyunda Almaniya yığması Azərbaycanı 6:1 hesabı ilə məğlub edib.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”