Bu gün Türkiyədə ağırlıqqaldırma üzrə dünya çempionatına start verilib. Apasport.az saytının məlumatına görə, Azərbaycan yığmasının 8 kişi və 2 qadın idmançı ilə qatıldığı yarışda 1 atletimiz çıxışını başa vurub.

48 kq çəki dərəcəsində Silviya Angelova mübarizə apardığı C qrupunda 4-ci yeri tutub. Milliləşdirilmiş legionerimiz birdən qaldırma yarışlarında 67 kq, təkanla qaldırmada 82 kq çəkini ram edib. 2 hərəkətin cəminə görə 149 kq çəkini başı üzərinə qaldıran təmsilçimiz liderdən 9 kq az çəkinin öhdəsindən gəlib.

Angelovanın yekunda hansı pillədə qərarlaşacağına isə onun çəkisində B və A qrupunda çıxış edəcək atletlərinin göstərəcəkləri nəticədən sonra aydınlıq gələcək.

Qeyd edək ki, bu gün daha bir Azərbaycan ağırlıqqaldıranı - Elmar Alıyev (56 kq) də podiuma çıxacaq.

• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib
• Azərbaycan parabadmintonçusu İbrahim Əliyev beynəlxalq turnirdə üçüncü olub
• Qolf üzrə Azərbaycan çempionatı və ölkə birinciliyi keçirilib