Azərbaycan milli komandasının Avro-2012-nin seçmə mərhələsində rəqibi olan Qazaxıstan yığmasında baş məşqçi postu vakant olaraq qalır. Apasport.az saytının məlumatına görə, qazax həmkarlarımız bu vəzifəyə əsas namizəd olan almaniyalı Xolqer Faxın təyinatının reallaşması perspektivini araşdırıb. Belə ki, Azərbaycan və Rusiya mətbuatında Qazaxıstan yığmasının baş məşqçisi postu ətrafında məhz Astananın “Lokomotiv” klubunu çalışdıran Faxın adı hallanır.

Yaxında isə internetdə belə informasiya yer alıb ki, guya bu mütəxəssisin şəxsi müqaviləsinin şərtləri ilə bağlı yüksək tələbləri üzündən heç bir şansı yoxdur. Bununla əlaqədar qazax həmkarlarımız Faxın agentləri ilə əlaqə saxlayıblar. “Goal2Career” futbol agentliyinin işçilərinin sözlərinə görə, müştəriləri olan Fax Qazaxıstan Futbol Federasiyasından (QFF) yığmaya rəhbərlik etməklə bağlı heç bir rəsmi təklif almayıb. Hərçənd mütəxəssis QFF-ın bu təklifini nəzərdən keçirməyə hazırdır. Fax bu zaman maddi tərəflərin onun üçün ön planda durmadığını bildirib.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO