Yeni Zelandiyanın Kristçerç şəhərində keçirilən paralimpiyaçı idmançılar arasında atletika üzrə dünya çempionatı davam edir. Apasport.az saytının məlumatına görə, yarışın ilk günü 1 qızıl və 1 bürünc medal qazanan Azərbaycan yığması 4 gün sonra daha bir uğura imza atıblar. Belə ki, Elxan Muradov 100 metr məsafəyə qaçışda 11,26 saniyə nəticə göstərərək, gümüş medala sahib olub. O, çempion adını qazanan Mateusz Miçalskidən (Polşa) cəmi 0,21 saniyə geri qalıb. Digər sprinterimiz - Rza Osmanov isə həmin məsafəni 11,52 saniyəyə qət edərək 4-cü yeri tutub.

Diskatma yarışlarında mübarizəyə qoşulan Oloxan Musayev çempionatı 6-cı yerdə (12 metr 54 santimetr) başa vurub.
Çempionata sabah yekun vurulacaq.

Xatırladaq ki, London-2012 Yay Paralimpiya Oyunlarına lisenziya xalları verən yarışın ilk günündə Oleq Panyutin qızıl, Hüseyn Həsənov isə bürünc medal qazanmışdılar.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO