Cüdo üzrə Azərbaycan yığması Norveçə yollanacaq. Apasport.az saytının məlumatına görə, milli komandamız növbəti təlim-məşq toplanışını Skandinaviya ölkəsində keçirəcək.

Səfərə fevralın 9-da yollanacaq yığmamızın heyətində İlqar Müşkiyev (60 kq), Tərlan Kərimov (66 kq), Renat Mirzəliyev (73 kq), Elnur Məmmədli (81 kq), Elxan Məmmədov, Ramin Qurbanov (hər ikisi 90 kq), Elmar Qasımov (100 kq), Emil Tahirov (+100 kq), Kifayət Qasımova (57 kq) və Ramilə Yusubova (63 kq) yer alacaqlar.

Norveçdə hazırlıq 1 həftə davam edəcək. Məşqlər yekunlaşdıqdan sonra isə cüdoçularımız buradan birbaşa Almaniyanın Düsseldorf şəhərinə yollanacaqlar və burada keçiriləcək Qran-Pri turnirində iştirak edəcəklər.

Qeyd edək ki, London-2012-yə lisenziya xalı verəcək Qran-Pri yarışı fevralın 19-20-də baş tutacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”