Ağırlıqqaldırma üzrə Azərbaycan yığmasına yeni legioner cəlb edilib. Bu barədə apasport.az saytına məlumatı Ağır Atletika Federasiyasının icraçı-direktoru İsgəndər Əsgərov verib.

Onun sözlərinə görə, milli komandamız heyətini iranlı Yusif Fuladzadi ilə gücləndirmək niyyətindədir. Əsgərov bildirib ki, hələlik baxışda olan legioner özünü yaxşı tərəfdən göstərəcəyi halda, milliləşdiriləcək: “Fuladzadi artıq müəyyən müddətdir komandamızla birgə məşq edir. 105 kq çəkidə qüvvəsini sınayan 20 yaşlı atlet böyük perspektiv vəd edir. O, həm də əslən azərbaycanlıdır”.

Bu arada qadınlardan ibarət yığmamız da heyətini gücləndirir. Əsgərov bildirib ki, əsas məqsəd bu komandanı da formalaşdırmaqdır: “İstəyirik ki, qadınlardan ibarət yığmamız da güclü komandalardan birinə çevrilsin. Bunun üçün yeni legioner cəlb etmişik. Bu Bolqarıstandan olan Flamenadır. Onun soyadı və çəkisi hələlik sirr olaraq qalsın ki, ortaya başqa problem çıxmasın”.

Qeyd edək ki, London-2012-də medal qazanmağı planlaşdıran Ağır Atletika Federasiyası bu məqsədlə ötən il 3 bolqarıstanlı idmançını - Veleçko Çolakov, İvan Stoitsov və Silviya Angelovanı milliləşdirmişdi.

• AMADA Parisdə Monitorinq Qrupunun iclasında iştirak edib
• Dövlət başçısı: "2024-cü il də Azərbaycan idmanı üçün uğurlu olub, 1700-ə yaxın medal qazanılıb"
• Prezident: "Xankəndidəki stadionun yenidən qurulması gələn il başa çatmalıdır"
• İlham Əliyev: "Azərbaycan gələn il MDB Oyunlarına ev sahibliyi edəcək"
• Milli Paralimpiya Komitəsində yeni təyinatlar olub