“Baku Fires” boks klubu WSB liqasında növbəti görüşünü fevralın 5-də “Sərhədçi” İdman Olimpiya Mərkəzində “Astana Arlans” komandasına qarşı keçirəcək. Boks Federasiyasının mətbuat xidmətindən apasport.az saytına verilən xəbərə görə, döyüşdən 2 gün öncə hər iki komanda heyətini açıqlayıb.

Bu dəfə komandamızın heyətində 2 əcnəbi boksçu – monqolustanlı Nayambayar və Gürcüstan milli komandasının üzvü Koba Pxakadze çıxış edəcək. Nayambayar Mirjan Rahimjanovla, Pxakadze isə Yerjan Mussafirovla üz-üzə gələcək.

“Baku Fires”in heyətində bütün görüşlərini qələbə ilə başa vuran Soltan Migitinov Pekin Olimpiadasının və 2007-ci ilin Dünya çempionatının bürünc mükafatçısı Salyam Kanatla qarşılaşacaq. Rəqibin heyətində yeganə legioner özbəkistanlı Sərdor Abdullayev olacaq. Onu WSB liqasında reytinq cədvəlində birinci olan Məhəmmədrəsul Məcidov sınağa çəkəcək.

54 kq
Tuqsoqot Nayambayar (Baku Fires) – Mirjan Rahimjanov (Asrana Arlans)

61 kq
Koba Pxakadze – Yerjan Mussafirov

73 kq
Soltan Migitinov – Salyam Kanat

85 kq
Rizvan Əlimuradov – Marat Moldageyev

91+kq
Məhəmmədrəsul Məcidov – Sərdor Abdullayev

Qeyd edək ki, bu komandamızın Qazaxıstan klubu ilə 3-cü görüşü olacaq. Buna qədər keçirilən hər iki görüşdə “Baku Fires” qalib gəlib. “Baku Fires” 7 turdan sonra 100 faizlik nəticə ilə qrupun vahid lideridir. “Astana Arlans” isə 2-ci yeri tutur.

• AMADA Parisdə Monitorinq Qrupunun iclasında iştirak edib
• Dövlət başçısı: "2024-cü il də Azərbaycan idmanı üçün uğurlu olub, 1700-ə yaxın medal qazanılıb"
• Prezident: "Xankəndidəki stadionun yenidən qurulması gələn il başa çatmalıdır"
• İlham Əliyev: "Azərbaycan gələn il MDB Oyunlarına ev sahibliyi edəcək"
• Milli Paralimpiya Komitəsində yeni təyinatlar olub