Peşəkar boksçumuz Əli İsmayılovun növbəti döyüşünüт vaxtı müəyyənləşib. Bu barədə apasport.az saytına idmançının özü məlumat verib. O bildirib ki, növbəti görüşünü martın əvvəllərində keçirəcək: “Artıq rinqə çıxacağım vaxt bilinir. Dünən promouterum danışıqları yekunlaşdırıb. Martın ilk günlərində keçirəcəyim döyüş reytinq xarakterli olacaq. Rəqibimin adı və dəqiq tarix isə həftənin sonlarında açıqlanacaq”.

İsmayılov görüşünün Azərbaycanda baş tutmayacağını da bildirib: “Rəqibimi Bakı rinqində qəbul etməyəcəyəm. Biz bu döyüşü Polşa və ya Danimarkada keçirmək istəyirik. Lakin bu məkan hələ tam dəqiqləşməyib”.

Qeyd edək ki, İsmayılov son döyüşündə kubalı Xuan Pablo Ernandesə nokautla uduzmuşdu.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”