Sambo üzrə milli komandamız Belarusda keçirilən beynəlxalq turnirə qatılmaqdan imtina edib. Bu barədə apasport.az saytına məlumatı yığmamızın baş məşqçisi Mübariz İbrahimov verib.

Onun sözlərinə görə, yarışa yollanmamaq təqvim dəyişikliyi ilə bağlı olub: “Biz bu turnirdə iştirakımızı təsdiqləmişdik. Lakin son anda təşkilatçılar təqvimdə dəyişiklik etdilər. Fevralın 23-25-də keçirilməli olan yarışa bu gün start verdilər. Bu isə bizə problem yaratdı. Çünki biz Belarusa getmək üçün vaxtımız qalmamışdı. Bu səbəbdən də turnirə yollanmamağı qərara aldıq”.

Qeyd edək ki, analoji yarışda dünyanın 20-dən çox aparıcı ölkəsi mübarizə aparacaq.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO