Rusiyanın paytaxtı Moskvada şahmatın blits növü üzrə keçirilən dünya çempionatının seçmə yarışına yekun vurulub. Apasport.az saytının məlumatına görə, 9 turdan ibarət yarış Azərbaycan yığması üçün uğurla başa çatıb.

35 min avro mükafat fondu olan yarışın qalibi adını həmyerlimiz Şəhriyar Məmmədyarov qazanıb. Qrossmeysterimiz 192 zəka sahibinin mübarizə apardığı yarışda 14,5 xalla I yeri tutub. O, bununla yanaşı, 10 min avroya da sahib olub.

II yerə ondan 0,5 xal az toplayan Ruslan Ponomaryov (Ukrayna) yiyələnib. İlk “3-lüyü” isə 13,5 xalla Dmitri Andreykin (Rusiya) qapayıb.

Qeyd edək ki, turnirdə iştirak edən digər şahmatçılarımız - Rauf Məmmədov 9-cu, Vasif Durarbəyli 27-ci, Nicat Məmmədov 35-ci, Ülvi Bacarani 112-ci və Gülnar Məmmədova 138-ci pillədə qərarlaşıblar.

• Üzgüçümüz Sofiyada qızıl medal qazanıb
• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib