Bu gün “Sərhədçi” İdman Olimpiya Mərkəzində WSB liqasında mübarizə aparan “Baku Fires” - “Pohang Poseidons” klubunun rəsmilərinin və idmançılarının iştirakı ilə mətbuat konfransı keçirilib. Apasport.az saytının məlumatına görə, görüşün supervayzeri yarış haqda bir daha qısa məlumat verdikdən sonra idmançılar çəki prosesinə dəvət olunublar.

Daha sonra baş məşqçislər və idmançılar KİV nümayəndələrinin suallarını cavablandırıblar. Koreya klubunun çalışdırıcısı Mars Kuçkaryov “Baku Fires”in qələbə yürüşünü dayandırmağa çalışacaqlarını bildirdi: “Turnir cədvəlində sonuncu yeri tuturuq. Odur ki, bizə mütləq qələbə gərəkdir”.

Xatırladaq ki, sabah baş tutacaq görüşdə komandamızın heyətində Maqomed Əbdülhəmidov (54 kq), Semyon Qrivaçyov (61 kq), Osman Əliyev (73 kq), Rizvan Əlimuradov (85 kq) və Əbdülkadir Abdullayev (91+kq) mübarizə aparacaqlar. Koreya klubu isə döyüşə Lukaş Maşçik (54kq), Bahodirjon Sultonov (61 kq), Viktor Kotijanski (73 kq), Abdelxafid Bençabla (85 kq) və Çouaib Bulodinasla (91+kq) çıxacaq.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar