Avro-2012-nin seçmə mərhələsinin Belçika ilə oyununda Azərbaycan milli komandasının qarşılaşmasını isveçli Daniel Stalhemmer idarə edəcək. Apasport.az saytının məlumatına görə, 37 yaşlı skandinaviyalı millimizin kapitanı Rəşad Sadıqova yaxşı tanışdır. Belə ki, ikinci dəfə bizimkilərin oyununa təyinat alan Stalhammer 29 yaşlı müdafiəçimizlə əvvəl də görüşüb.

2004-cü ilin yanvarından FİFA referisi olan skandinaviyalı çempionlar Liqasında elə həmin ilin avqustunda debüt edib. Ayın 4-də Moskvada keçirilən MOİK – “Neftçi” matçını idarə edən isveçli Rusiya təmsilçisinin 2:0 hesablı qələbəsinə şahid olub. İkinci təsnifat mərhələsinin bu oyununda baş hakim hər komandaya 1 sarə vrəqə göstərib. Təmsilçimizin heyətində Anatoli Tebloyev cəzalanıb.

7 il əvvəlki matçın iştirakçılarından yalnız Rəşad Sadıqov yenidən Stalhammerin idarəçiliyinə şahid olacaq. Yığmamızın digər müdafiəçisi Elnur Allahverdiyev isə Rolan Qusevlə Vaqner lavın qollarını ehtiyat oyunçular skamyasından izləmişdi.

Qeyd edək ki, Stalhammer UEFA-nın hakimlər üçün 2-ci kateqoriyasına daxildir.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”