“Əlbəttə ki, biz Azərbaycan yığmasından qorxmuruq. Qarşımızda o qədər də güclü olmayan komanda var”. Apasport.az saytının məlumatına görə, bu sözləri Belçika millisinin baş məşqçisi Jorj Leekens deyib.

Təcrübəli mütəxəssis Avro-2012-nin seçmə mərhələsinin Azərbaycan yığması ilə sabah keçiriləcək görüşü ərəfəsində fikirlərini açıqlayıb: “Avstriyadakı qələbədən sonra eyforiyaya da qapılmaq olmaz. Mübarizəsiz qalib gələcəyimizi düşünmürəm. Lakin Azərbaycanla oyun Avstriyadakı matçdan çox fərqlənəcək. İndi biz futbol oynayacağıq, meydanda ağalıq edəcəyik. Rəqib isə böyük qüvvə ilə qapanıb, bizim bu səddi keçməyimizə imkan verməyəcək. Təbii ki, onlar sürətli əks həmlələri də yaddan çıxarmayacaqlar. Bu isə o deməkdir ki, qapımızın təhlükəsizliyinin də qeydinə qalmalıyıq. Belə vəziyyətdə azarkeş dəstəyinin rolu böyük olacaq”.

• Təmsilçimiz Andorradakı beynəlxalq turnirdə uğurlu çıxış edib
• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar