Kişi şahmatçılardan ibarət Ukrayna yığmasının baş məşqçisi Vladimir Tukmakov vəzifəsindən ayrılıb. Apasport.az saytının Ukrayna mətbuatına istinadən məlumatına görə, Bakının SOCAR klubunun da kapitanı olan Olimpiya çempionunun istefa ərizəsi artıq qəbul olunub.

Onun postundan getməsi isə ölkəsində birmənalı qarşılanmayıb. Belə ki, həmkarlarımızın yazdıqlarına görə, Tukmakov tezliklə Azərbaycan milli komandasında peyda ola bilər. Çünki yığmamızın kapitan postu bir müddətdir ki boşdur. Onun ötən il şahmatçılarımızın Olimpiadada uğursuz çıxışından sonra vəzifəsindən uzaqlaşdırılan Zurab Azmayparaşvili əvəz edəcəyi isə inandırıcıdır.

Qeyd edək ki, 2004-cü ildən Ukrayna yığmasına başçılıq edən mütəxəssis komandasını həmin il və 2010-cu ildə Olimpiya çempionu etməyi bacarıb.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”