Yeni yaradılan qadınlardan ibarət boks üzrə Azərbaycan yığması beynəlxalq turnirdə debüt edib. Apasport.az saytının məlumatına görə, Aleksandr Denisovun rəhbərlik etdiyi milli komandanın Çexiyada baş tutan yarışda ilk sınağı uğursuz alınıb.

13 ölkənin qatıldığı turnirdə rinqə çıxan xanım boksçularımızın hər ikisi ilk görüşlərindəcə uduzublar. Belə ki, Əzizə Abbasova (51 kq) polşalı Sandra Drabikə, Aizanat Hacıyeva (60 kq) macarıstanlı Nikolett Trappa yenilib.

Yarışın iştirakçıları arasında digər təmsilçimiz Yelena Vıstropolun (75 kq) adı olsa da, o qeyri-müəyyən səbəbdən döyüşə çıxmayıb.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib