Avstraliyanın Sidney şəhərində keçirilən stend atıcılığı üzrə Dünya kubokuna yekun vurulub. Apasport.az saytının məlumatına görə, London-2012-yə lisenziya xarakteri daşıyan turnirin son günü də Azərbaycan yığması üçün uğursuz olub.

Belə ki, skit növündə çıxışını yekunlaşdıran Emin Cəfərov son nəticədə 124 xal qazanıb ki, bu da onun finala yüksəlməsi üçün kifayət etməyib. Nəticədə ilk “8-lik”dən 2 xal az toplayan snayperimiz yenidən lisenziya arzusunu reallaşdıra bilməyib.

Xatırladaq ki, Olimpiya çempionu Zemfira Meftəhəddinova və Nurlana Cəfərovanın da həlledici mərhələyə vəsiqə qazanmasına 2 xalları çatmamışdı.

• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb