Bolqarıstanlı Valentin Xristov Azərbaycan vətəndaşlığı aldıqdan sonra Avropa çempionatına yollanacaq milli komandamızın heyəti müəyyənləşib. Apasport.az saytının məlumatına görə, aprelin 11-18-də Rusiyanın Kazan şəhərində keçiriləcək Avropa çempionatında ölkəmiz 4 atletlə təmsil olunacaq.

Belə ki, yığmamızın bolqarıstanlı baş məşqçisi Yanko Rusev qitənin ən mötəbər turnirində Xristovla yanaşı, Elmar Alıyev (hər ikisi 56 kq), Sərdar Həsənov (69 kq) və Namiq Cəmilova (85 kq) etimad göstərib.

Xatırladaq ki, qadınlardan ibarət milli komandamızın baş məşqçisi İvan Xristov da Avropa çempionatına 4 ağırlıqqaldıran - Silviya Angelova (48 kq), Səbinə Rzayeva (69 kq), Rumyana Petkova (75 kq) və Yuliya Dovqalı (+75) aparacaq.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib