Türkiyənin Antalya şəhərində start götürən paralimpiyaçılar arasında Dünya Oyunları davam edir. Apasport.az saytının məlumatına görə, yarışda geniş tərkiblə iştirak edən Azərbaycan yığmasının 2 atleti fəxri kürsüdə yer alıb.

Belə ki, üç təkanla uzunluğa tullanma növündə mübarizə aparan Vladimir Zayets 14,96 m nəticə ilə qızıl medala yiyələnib. Onun komanda yoldaşı Oleq Pantyutin isə 0,51 m az tullanıb ki, bu da gümüş medal qazanmasına səbəb olub. 100 metr məsafəyə qaçışda Elçin Muradov 11,47 saniyə nəticə ilə finişə 5 ci çatdı.

Qeyd edək ki, atletikanın digər növlərində daha 2 idmançımız növbəti mərhələyə yüksəliblər. 400 metr qaçışda Rza Osmanov yarımfinalda, 800 metr qaçışda Orxan Ramazanov isə finalda iştirak edəcəklər.

Bu gün cüdoçularımız Ramin İbrahimov, Nurlan İbrahimov (hər ikisi 60 kq), İlkin Alışov və Bayram Mustafayev (hər ikisi 66 kq) də mübarizəyə qoşulacaqlar.

• Təmsilçimiz Andorradakı beynəlxalq turnirdə uğurlu çıxış edib
• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar